რეგიონები

მოღალატე! - ახალქალაქში სალომე ზურაბიშვილს შეძახილებით შეხვდნენ

„მოღალატე! მოღალატე!“ - ამ შეძახილით შეხვდნენ მოქალაქეები პრეზიდენტობის კანდიდატ სალომე ზურაბიშვილს, რომელიც ახალქალაქის თეატრის შენობასთან ამომრჩევლებთან შეხვედრას მართავდა. ზურაბიშვილის მოწინააღმდეგეები მას ქალაქის დატოვებისკენ მოუწოდებდნენ. ამის შესახებ „სამხრეთის კარიბჭე“ იუწყებ.

„არ ვარ არცერთი პარტიისა და ორგანიზაციის წევრი, საქართველოს მოქალაქე ვარ, ეს ვერ გახდება საქართველოს პრეზიდენტი, რადგან რუსეთის აგენტია, არ მივცემთ უფლებას ივანიშვილის ხელმძღვანელობით მას, რომ გააყალბოს არჩევნები, ესენი არიან გამყიდველები, ბანდიტები, დასრულდა ამათი ბოგინი!“, - განაცხადა საპროტესტო აქციის ერთ-ერთმა მონაწილემ.

შეხვედრის დასრულების შემდეგ, თეატრიდან გამოსულ ზურაბიშვილს გარეთ დაპირისპირებული მოქალაქეები აღარ დახვდნენ, თუმცა მან თეატრის მიმდებარე ტერიტორია პოლიციის თანხლებით დატოვა.

„მოვიდნენ, ვინ არიან ეს მოქალაქეები, დაველაპარაკები მათ", – განაცხადა ზურაბიშვილმა.

თეატრიდან იგი ახალქალაქის პარკში ფეხით გავიდა და ადგილობრივებს გაესაუბრა.

ცნობისთვის, დღეს სალომე ზურაბიშვილი ნინოწმინდაში, ახალქალაქსა და ასპინძაში ამომრჩევლებთან შეხვედრებს მართავს.